ఆంధ్రభారతి - తాళ్లపాక అన్నమాచార్య కీర్తనలు - కాకున్న సంసారగతులేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 63-5
సంపుటము: 1-326

తాళ్లపాక అన్నమాచార్య

రాగము: శ్రీరాగం

కాకున్న సంసారగతులేల లోకకంటకములగు లోభంబులేల	॥కాకున్న॥
వినికి గనవలసినను విష్ణుకీర్తన చెవికి వినికి చేసిన నదియె వేదాంతబోధ మనికి గనవలసినను మధువైరిపై భక్తి ^[1]వునికి ప్రాణులకు బ్రహ్మోపదేశంబు	॥కాకున్న॥
చదువు గనవలసినను శౌరినామము దిరుగఁ జదువుటే సకలశాస్త్రముల సమ్మతము నిదుర గనవలసినను నీరజాక్షునికిఁ దన- హృదయమర్పణ సేయుటిది యోగనిదుర	॥కాకున్న॥
ఆస వలసిన వేంకటాధీశ్వరుని కృపకు- నాస సేయుటే పరమానందసుఖము వాసి గనవలసినను వైష్ణవాగారంబు వాసి సేయుట తనకు వైభవస్ఫురణ	॥కాకున్న॥

^[1] ‘వునికిఁ బాణులకు’ రేకు.