ఆంధ్రభారతి - తాళ్లపాక అన్నమాచార్య కీర్తనలు - ఏమి గలదిందు నెంత పెనగినఁ వృథా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 64-1
సంపుటము: 1-328

తాళ్లపాక అన్నమాచార్య

రాగము: వరాళి

ఏమి గలదిందు నెంత పెనగినఁ వృథా కాముకపు మనసునకు కడ మొదలు లేదు	॥ఏమి॥
వత్తిలోపలి నూనె వంటిది జీవనము విత్తుమీదటి పొల్లు విధము దేహంబు బత్తిసేయుట యేమి పాసిపోవుట యేమి పొత్తుల సుఖంబులకు పొరలుటలుగాక	॥ఏమి॥
ఆకాశ పాకాశ మరుదైన కూటంబు లోకరంజకము తమలోనిసమ్మతము చాకిమణుఁగుల జాడ చంచలపు సంపదలు చేకొనిన నేమి యివి చెదిరినను నేమి	॥ఏమి॥
గాదెఁబోసిన కొలుచు కర్మి సంసారంబు వేదు విడువని కూడు వెడమాయ బదుకు వేదనల నెడతెగుట వేంకటేశ్వరు కృపా- మోదంబు వడసినను మోక్షంబు గనుట	॥ఏమి॥