ఆంధ్రభారతి - తాళ్లపాక అన్నమాచార్య కీర్తనలు - పోరాక పోయి తలఁపుననున్న దైవంబుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 64-4
సంపుటము: 1-331

తాళ్లపాక అన్నమాచార్య

రాగము: గుండక్రియ

పోరాక పోయి తలఁపుననున్న దైవంబుఁ జేరనొల్లక పరులఁ జేరఁ దిరిగెదము	॥పోరాక॥
వడిఁబారు పెనుమృగము వలలలోపలఁ దగులు వడి వెడల గతిలేక వడఁకుచున్నట్లు చెడని కర్మములలోఁ జిక్కి భవముల బాధఁ ^[1]బడియెదముగాక యేపనికిఁ దిరిగెదము	॥పోరాక॥
నీరులోపలి మీను నిగిడి యామిషముకై కోరి గాలము మ్రింగి కూలఁబడినట్లు జారిపోయిన నేల సంసారసౌఖ్యవి- కారంపు మోహములఁ గట్టువడియెదము	॥పోరాక॥
శ్రీవేంకటేశు నాశ్రితలోకరక్షకుని భావింప దేవతాపతియైనవాని సేవించు భావంబు చిత్త మొడఁబడక నే- మీవలావలి పనుల నిట్లఁ దిరిగెదము	॥పోరాక॥

^[1] ‘బడియద’ రేకు. ఇట్లే తక్కిన స్థలముల.