ఆంధ్రభారతి - తాళ్లపాక అన్నమాచార్య కీర్తనలు - సకలసందేహమై జరగుచున్నది యొకటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 64-5
సంపుటము: 1-332

తాళ్లపాక అన్నమాచార్య

రాగము: శ్రీరాగం

సకలసందేహమై జరగుచున్నది యొకటి ప్రకటింప జీవమో బ్రహ్మమో కాని	॥సకల॥
వసుదేవు జఠరమను వననిధికిఁ జంద్రుఁడై అసమానగతిఁ బొడమినాఁ డీతఁడు వసుధఁ జంద్రుఁడు నీలవర్ణుఁ డేఁటికినాయ కసరెత్తి నునుఁగందు గలయఁ గొనుఁబోలు	॥సకల॥
ఇనవంశమున లోకహితకల్పభూజమై ఆనఘఁడై జనియించినాఁ డీతఁడు ననుపైన సురతరువు ^[1]నల్లనేఁటికినాయ పెనుఁగొమ్మలో చేఁగ పెరిగిరాఁబోలు	॥సకల॥
తిరువేంకటాద్రిపైఁ దెలియఁ జింతామణై అరిదివలెఁ బొడచూపినాఁ డీతఁడు గరిమె నది యిపుడు చీఁకటివర్ణమేలాయ హరినీలమణుల ప్రభ లలమికొనఁబోలు	॥సకల॥

^[1] నల్లన + ఏఁటికి + ఆయ.