ఆంధ్రభారతి - తాళ్లపాక అన్నమాచార్య కీర్తనలు - పాయక మతినుండి పరగ మేలుఁ గీడును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 65-3
సంపుటము: 1-336

తాళ్లపాక అన్నమాచార్య

రాగము: కన్నడగౌళ

పాయక మతినుండి ^[1]పరగ మేలుఁ గీడును సేయించి కర్మిఁ దాఁ జేయు టెవ్వరిది	॥పాయక॥
వెలయఁ జరాచరవిభుఁడైన విభు నాత్మఁ దలఁచుఁ గాక ప్రాణి దానేమి సేయు తెలిపి నిర్మలభక్తి దీపించి తనుఁజేరఁ ^[2]గొలిపించుకొనలేమి కొరత యెవ్వరిది	॥పాయక॥
కొందరు సుఖులై కొదలేక మెలఁగఁగ కొందరి దుఃఖపు కొరత యెవ్వరిది అందరి మతి వేంకటాద్రివల్లభ నీవు చెంది కర్మములఁ జేయు చేఁత యెవ్వరిది	॥పాయక॥

^[1] ‘వరగు’ రేకు.

^[2] ‘గొలిపించుకొనలేని’ కావచ్చు.