ఎండలోని నీడ యీమనసు పండు గాయ సేయఁ బనిలేదు మనసు	॥ఎండ॥
వానచేతక[1]ములవలెనాయ మనసు గోనెఁబట్టిన బంకగుణమాయ మనసు మానఁజిక్కిన కోలమతమాయ మనసు తేనెలోపలి యీఁగ తెఱఁగాయ మనసు	॥ఎండ॥
గడిరాజు బదుకాయ కడలేని మనసు నడివీది పెసరాయ నయమైన మనసు గడకుఁ గట్టిన పాఁతగతి దోఁచె మనసు అడుసులోపలి కంబమై తోఁచె మనసు	॥ఎండ॥
తెరవుచూపిన జాడఁ దిరుగు నీమనసు[2] మరుగఁ జేసినచోట మరుగు నీ మనసు తిరువేంకటేశుపైఁ దిరమైన మనసు సిరిగలిగినచోటఁ జేరు నీమనసు	॥ఎండ॥

---

^[1] ‘చాతక’ కావచ్చు.

^[2] ‘తిరుగును + ఈ మనసు.’ తక్కిన స్థలములలో ఇంతే.