ఆంధ్రభారతి - తాళ్లపాక అన్నమాచార్య కీర్తనలు - కాయము జీవుఁడు గలనాఁడే తెలియవలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 68-1
సంపుటము: 1-352

తాళ్లపాక అన్నమాచార్య

రాగము: నాట

కాయము జీవుఁడు గలనాఁడే తెలియవలె యీ యత్నములు దనకెన్నఁడు	॥కాయము॥
సతతము సంసారజడుఁడు దానట యాత్మ- హితవు దెలుసు కాల మెన్నఁడు రతిసరసముల పూరకే ప్రాయ మెడలంగ యితరసుఖము దన కెన్నఁడు	॥కాయము॥
యెడపక ద్రవ్యమోహితుఁడై తిరుగఁ దన- యిడుమపాటు మాను టెన్నఁడు కడలేని పొలయలుకలచేతఁ దన దేహ- మిడియఁగ నిజసుఖ మెన్నఁడు	॥కాయము॥
శ్రీవేంకటేశునిఁ జేరి తక్కిన సుఖ- మేవగించు కాల మెన్నఁడు శ్రీవల్లభుని కృప సిరిగాఁ దలఁచి జీవుఁ - డీవైభవముఁ గాంచు టెన్నఁడు	॥కాయము॥