ఆంధ్రభారతి - తాళ్లపాక అన్నమాచార్య కీర్తనలు - అంతయు నీవే హరి పుండరీకాక్ష - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 80-4
సంపుటము: 1-385

తాళ్లపాక అన్నమాచార్య

రాగము: పాడి

అంతయు నీవే హరి పుండరీకాక్ష చెంత నాకు నీవే శ్రీరఘురామా	॥అంతయు॥
కులమును నీవే గోవిందుఁడా, నా- కలిమియు నీవే కరుణానిధీ, తలఁపును నీవే ధరణీధరా, నా- నెలవును నీవే నీరజనాభా	॥అంతయు॥
తనువును నీవే దామోదరా, నా- మనికియు నీవే మధుసూధనా, వినికియు నీవే విట్ఠలుఁడా, నా- వెనకముందు నీవే విష్ణుదేవుఁడా	॥అంతయు॥
పుట్టుగు నీవే పురుషోత్తమా కొన నట్టనడుము నీవే నారాయణా, యిట్టె శ్రీవేంకటేశ్వరుఁడా నాకు నెట్టన గతి యింక నీవే నీవే	॥అంతయు॥