ఆంధ్రభారతి - తాళ్లపాక అన్నమాచార్య కీర్తనలు - వీనిఁ జూచియైన నేము విరతిఁ బొందగలేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 81-1
సంపుటము: 1-388

తాళ్లపాక అన్నమాచార్య

రాగము: దేసాళం

వీనిఁ జూచియైన నేము విరతిఁ బొందగలేము పూని మా బ్రదుకిందుఁ బోలదాయఁగా	॥వీని॥
పరుల వేడఁగబోవు పరనిందకుఁ జొరవు పరపురుషార్థమే ఫలవృక్షతతులెల్ల నరులమై ఘనులమై నానాబుద్ధు లెఱిఁగి పొరి మా బ్రదుకులిందుఁ బోలదాయఁగా	॥వీని॥
కామక్రోధాదులు లేవు కామతత్వ మెఱఁగవు కామించినట్లవు నెక్కడనైనా శిల లివి దీమసము గలిగియుఁ దెలివి గలిగియును భూమిలో మా బ్రదుకిందుఁ బోలదాయఁగా	॥వీని॥
వొకరిఁ గొలువఁబోవు వొకపంట సేయఁబోవు వొకమాని గూడు చేరివుండు పక్షు లాడనాడ వొక శ్రీవేంకటపతి నమ్మియుండలేము ^[1]మొకెమో మా బ్రదుకిందుఁ బోలదాయఁగా	॥వీని॥

^[1] ‘ముఖ్య’ శబ్దభవమా? అర్థము అదే కావచ్చు.