పనిమాలినట్టి వట్టి[1]పఱఁదుగాక । మాకు ననిచి యిదియు నొక్క నగుఁబాట్లా	॥పని॥
కన్నవారినెల్లా వేఁడే కష్టమే దక్కుటగాక పన్ని దైవమియ్యనిది పరులిచ్చేరా యెన్నికతోఁ దేహమిచ్చె నిహమెల్లాఁ జెందనిచ్చె వున్నవా రింతటిపని కోపఁగలరా	॥పని॥
బడలి తానెందైనాఁ బడ్డపాటే దక్కెఁ గాక [2]కడఁగి రానిది దే నొక్కరి వసమా కడుపులో నుండఁగానే కలవి నుదుట వ్రాసె తడవి దైవముచేఁత దాఁట వసమా	॥పని॥
దెప్పరపు సంపదకుఁ దిమ్మటలే దక్కెఁ గాక యెప్పుడూ శ్రీవేంకటేశుఁ[3] డీక మానీనా చప్పుడుగా నతనికే శరణన్న జాలుఁ గాక తప్పులును వొప్పులు నాతనివే కావా	॥పని॥

---

^[1] ‘పఱఁడు’ పూ.ము.పా.

^[2] ‘కడఁగిరాని దిదే నొక్కరి వసమా’ పూ.ము.పా.

^[3] ‘డిక మానీనా’ పూ.ము.పా.