ఆంధ్రభారతి - తాళ్లపాక అన్నమాచార్య కీర్తనలు - పరుల సేవలు చేసి బ్రదికేరటా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 81-3
సంపుటము: 1-390

తాళ్లపాక అన్నమాచార్య

రాగము: దేసాళం

పరుల సేవలు చేసి బ్రదికేరటా సిరివరు దాసులు సిరులందు టరుదా	॥పరుల॥
కోరి వొక నరునిఁ గొలిచిన వారలు దీరులై సలిగెలఁ దిరిగేరట కూరిమి బ్రహ్మాండకోటు లేలెడివాని వార లింతటఁ జనవరులౌ టరుదా	॥పరుల॥
చేకొన్న తుమ్మిద చేపడ్డ కీటము - లాకడఁ దుమ్మిదలయ్యీనట శ్రీకాంతుని పాదసేవకులగువార- లేకులజులయినా నెక్కుడౌ టరుదా	॥పరుల॥
ధరణీశు నాజ్ఞల తమదేశములందు సిరుల నాణెపు ముద్ర చెల్లీనట తిరువేంకటాద్రి శ్రీదేవుని ముద్రలు ధరియింపఁగా నింతటఁ జెల్లు టరుదా	॥పరుల॥