ఆంధ్రభారతి - తాళ్లపాక అన్నమాచార్య కీర్తనలు - ఓహో డేండేం వొగి బ్రహ్మమిదియని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 82-4
సంపుటము: 1-396

తాళ్లపాక అన్నమాచార్య

రాగము: రామక్రియ

ఓహో డేండేం వొగి బ్రహ్మమిదియని సాహసమున శ్రుతి చాటెడిని	॥ఓహో॥
పరమును నపరముఁ బ్రకృతియు ననఁగా వెరవు దెలియుటే వివేకము పరము దేవుఁడును; అపరము జీవుఁడు, తిరమైన ప్రకృతియె దేహము	॥ఓహో॥
జ్ఞానము జ్ఞేయము జ్ఞానగమ్యమును వూని తెలియుటే యోగము ^[1]జ్ఞానము దేహాత్మ, జ్ఞేయము పరమాత్మ, జ్ఞానగమ్యమే సాధించు మనసు	॥ఓహో॥
క్షరము నక్షరమును సాక్షి పురుషుఁడని సరవిఁ దెలియుటే సాత్వికము క్షరము ప్రపంచ, మక్షరము కూటస్థుఁడు, సిరి పురుషోత్తముఁడే శ్రీవేంకటేశుఁడు	॥ఓహో॥

^[1] ఈ రెండుమూఁడు పాదముల యర్థము అంతగా సరిపోయినట్లు తోచదు.