ఆంధ్రభారతి - తాళ్లపాక అన్నమాచార్య కీర్తనలు - ఇంతే మఱేమిలేదు యిందుమీఁదను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 82-6
సంపుటము: 1-398

తాళ్లపాక అన్నమాచార్య

రాగము: గుజ్జరి

ఇంతే మఱేమిలేదు యిందుమీఁదను దొంతుల కర్మాలు దుమ్ము దూరుపెత్తుట	॥ఇంతే॥
వుల్లములో నుండి దేహ మొగి రక్షించే హరి- నొల్లకున్న తన్నుఁ దా నొల్లకుండుట బల్లిదుఁ డాతని మాని పరుల వేఁడేదెల్లా పొల్లకట్టు దంచి దంచి పోగు సేసుకొనుట	॥ఇంతే॥
^[1]యెయ్యెడాఁ బుణ్యఫలము లేమి గలిగిన హరి- కియ్యకున్న నది దైవమియ్యకుండుట చెయ్యార నాతని కొప్పు సేయని భోగములెల్లా చయ్యన ^[2]జెఱకుఁ బిప్పి చవిగొనుట	॥ఇంతే॥
శ్రీకాంతుడైనట్టి శ్రీవేంకటేశ్వరునిఁ జేకొంటే సిరులెల్లాఁ జేకొనుట మేకుల శ్రీహరినామమే నోర నుడుగుట కైకొన్న యమృతపుగందు వగుట	॥ఇంతే॥

^[1] ‘యేయడాఁ’ రేకు. ప్రాసభంగము.

^[2] ‘జఱకుఁ’ రేకు.