ఆంధ్రభారతి - తాళ్లపాక అన్నమాచార్య కీర్తనలు - దేవదేవుఁ డెక్కె నదె దివ్యరథము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 83-2
సంపుటము: 1-400

తాళ్లపాక అన్నమాచార్య

రాగము: సాళంగనాట

దేవదేవుఁ డెక్కె నదె ^[1]దివ్యరథము మావంటివారికెల్ల మనోరథము	॥దేవ॥
జగతి బాలులకై జలధులు వేరఁ జేసి పగటునఁ దోలె నదె పైఁడిరథము మిగులఁగఁ గోపగించి మెరయు రావణుమీఁద తెగి యెక్కి తోలేనదె దేవేంద్రరథము	॥దేవ॥
దిక్కులు సాధించి సీతాదేవితో నయోధ్యకుఁ బక్కన మరలిచెఁ బుష్పకరథము నిక్కి నరకాసురుపై నింగి మోవ నెక్కి తోలె వెక్కసపు రెక్కలతో విష్ణురథము	॥దేవ॥
బలిమి రుక్మిణి దెచ్చి పరుల గెలిచి యెక్కె అలయేఁగు బెండ్లి కల్యాణరథము యెలమి శ్రీవేంకటాద్రి నలమేలుమంగఁ గూడి కలకాలమును నేగె ఘనమైన రథము	॥దేవ॥

^[1] ‘దియ్య’ రేకు.