ఆంధ్రభారతి - తాళ్లపాక అన్నమాచార్య కీర్తనలు - ఏమిసేతు దేవదేవ యింతయును నీ మాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 83-3
సంపుటము: 1-401

తాళ్లపాక అన్నమాచార్య

రాగము: కాంబోది

ఏమిసేతు దేవదేవ యింతయును నీ మాయ కామినులఁ జూచిచూచి కామించె భవము	॥ఏమి॥
చంచలపుఁ గనుదోయి సతుల బారికిఁ జిక్కి చంచల మందెను నా దిచ్చరి మనసు కంచుఁ గుత్తికలవారి గానములఁ జొక్కి చొక్కి కంచుఁ బెంచునాయఁ బో నా కడలేని గుణము	॥ఏమి॥
తీపుల మాటల మించి తెఱవల భ్రమఁ దరి- తీపుల పాలాయఁ బో నా తెలివెల్లాను పూఁపల నవ్వుల తోడి పొలఁతులఁ జూచి చూచి పూఁపలుఁ బిందెలునై పొల్లువోయఁ దపము	॥ఏమి॥
కూటమి సతులపొందు కోరి కోరి కూడి కూడి కూటువ నా విరతెందో కొల్లఁబోయను నీటున శ్రీవేంకటేశ నినుఁ గని ^[1]యింతలోనె జూటరినై ^[2]యింతలోనె సుజ్ఞానినైతి	॥ఏమి॥

^[1]^[2] ఇవి పునరుక్తులు.