మరిగి వీరె పో మా దైవంబులు కెరలిన హరిసంకీర్తనపరులు	॥మరిగి॥
వినియెడి వీనుల విష్ణుకథలకే పనిగొందురు మా ప్రపన్నులు కనియెడి కన్నులు కమలాక్షునియం- దనువు పరతు రటు హరిసేవకులు	॥మరిగి॥
పలికెడి పలుకులు పరమాత్మునికై యలవరతురు శరణాగతులు [1]తలఁచేటి తలఁపులు ధరణీధరుపై [2]తలకొలుపుదు రాతదియ్యులు	॥మరిగి॥
కరముల శ్రీపతికైంకర్యములే మురియుచుఁ జేతురు ముముక్షులు యిరవుగ శ్రీవేంకటేశ్వరు మతమే సిరుల నమ్ముదురు శ్రీవైష్ణవులు	॥మరిగి॥

---

^[1] ‘తలఁచెడి’ కావచ్చు. లయ కనుగుణము.

^[2] ‘తలకొలుపుదురా తదియ్యులు’ పూ.ము.పా.