ఆంధ్రభారతి - తాళ్లపాక అన్నమాచార్య కీర్తనలు - ఏమీ నడుగనొల్ల హెచ్చుకుందులన నొల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 83-5
సంపుటము: 1-403

తాళ్లపాక అన్నమాచార్య

రాగము: బౌళి

ఏమీ నడుగనొల్ల హెచ్చుకుందులన నొల్ల కామించి నీవిచ్చితివి కైవల్యపదము	॥ఏమీ॥
పుట్టుగులకు వెఱవ భువిలోన హరి నీకు- నట్టె నీ దాసుఁడ నేనైతేఁ జాలు వెట్టికి నే జాతియైన వెఱవ నీ నామములు వొట్టి నా నాలికమీఁదనుంటేఁ జాలు	॥ఏమీ॥
దురితాలకు వెఱవఁ దుద వేయైనా హరి నీ కరుణఁ గైంకర్యము గలిగితేఁ జాలు నిరతి నింద్రియాలకు నే వెఱవ నీ వాత్మఁ బెరరేఁపకుఁడవై పెరిగితేఁ జాలు	॥ఏమీ॥
యేలోకమైనా వెఱవ యెప్పుడూ శ్రీవేంకటేశ పాలించి నీ కృప నాపైఁ బారితేఁ జాలు కాలమెట్టయినా వెఱవ కర్మ మెట్టయినా వెఱవ యేలిన నీ దాసులు నన్నియ్యకొంటేఁ జాలును	॥ఏమీ॥