ఆంధ్రభారతి - తాళ్లపాక అన్నమాచార్య కీర్తనలు - కనియు గానని మనసు కడమ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 83-6
సంపుటము: 1-404

తాళ్లపాక అన్నమాచార్య

రాగము: భూపాళం

కనియు గానని మనసు కడమ గాక యెనలేని హరిమహిమ కిది గుఱుతుగాదా	॥కనియు॥
కనుకలిగి హరిఁగొలిచి ఘనులైరిగాక మును మనుజులే కారా మహరుషులును మనసులో నిపుడైన మరిగి కొలిచినవారు ఘనులౌట కిదియ నిక్కపు గుఱుతుగాదా	॥కనియు॥
భావించి హరిఁగొలిచి పదవులందిరిగాక జీవులే కారా దేవతలును కావించి కొలిచినను ఘనపదవు లేమరుదు యేవలన నిందరికి నిది గుఱుతుగాదా	॥కనియు॥
పన్ని హరిఁగొలిచి నేర్పరులైరి గాక ధర- నున్నవారే కారా యోగివరులు యెన్నికల శ్రీవేంకటేశు నమ్మినవార- లిన్నియునుఁ జేకొనుట కిది గుఱుతుగాదా	॥కనియు॥