ఆంధ్రభారతి - తాళ్లపాక అన్నమాచార్య కీర్తనలు - వలెననువారిదె వైష్ణవము యిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 84-1
సంపుటము: 1-405

తాళ్లపాక అన్నమాచార్య

రాగము: మలహరి

వలెననువారిదె వైష్ణవము యిది వలపుఁ దేనెవో వైష్ణవము	॥వలెనను॥
కోరిక లుడుగుచు గుఱి నిన్నిటిపై వైరాగ్యమెపో వైష్ణవము సారెకుఁ గోపముఁ జలమునుఁ దనలో వారించుటవో వైష్ణవము	॥వలెనను॥
సుడిగొను దేహపు సుఖదుఃఖములో వడిఁ జొరనిదెపో వైష్ణవము ముడివడి యింద్రియముల కింకరుఁడై వడఁబడనిదెపో వైష్ణవము	॥వలెనను॥
వుదుటునఁ దన సకలోపాయంబులు వదలుటపో నిజవైష్ణవము యెదుటను శ్రీవేంకటేశ్వరు నామము వదనము చేర్చుట వైష్ణవము	॥వలెనను॥