ఆంధ్రభారతి - తాళ్లపాక అన్నమాచార్య కీర్తనలు - శ్రీహరి సేసిన చిహ్నలివి యీ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 84-2
సంపుటము: 1-406

తాళ్లపాక అన్నమాచార్య

రాగము: పాడి

శ్రీహరి సేసిన చిహ్నలివి యీ- మోహము విడుచుట మోక్షమది	॥శ్రీహరి॥
మలినంబేది మణుఁగననేది కలుషపు మలముల కాయమిది కలిగినదేది కడు లేందేది చలనపు మాయల జన్మ మిది	॥శ్రీహరి॥
తనిసినదేది తనియనిదేది దినదిన మాఁకలి దీరదిది కొన యిందేది గుఱి మొదలేది పనిగొను కర్మపు బంధ మది	॥శ్రీహరి॥
నిండినదేది నిండనిదేది కొండల పొడవుల కోరి కది అండనె శ్రీవేంకటాధిపు శరణని వుండుటె యిహపరయోగ మది	॥శ్రీహరి॥