దైవమా నీకు వెలితా తలఁపు వెలితే కాక వేవేలు కర్మాల వేసారఁగ వలసె	॥దైవమా॥
హరి యంటేఁ బాపేటి అన్ని పాపాలు సేసిన పొరి నందుపై నమ్మిక పుట్టదుగాక నరసింహా యంటే వచ్చే నానాపుణ్యాలకు తిరముగా ఋణములు దీర్చుకొనఁగలవా	॥దైవమా॥
దేవ జగన్నాథ యంటే తెగని జన్మము లేవి కైవశము నా మనసు గాదుగాక గోవిందయని యంటేఁ గూడని పదవు లేవి కావిరిఁ గాల మూరకె కడపేము నేము	॥దైవమా॥
వేదనారాయణయంటే [2]వీడేటి బంధములు ఆదిగా మూఁడులోకాలనైనా [3]నున్నదా శ్రీదేవిపతియైన శ్రీవేంకటేశ్వరుఁడా యే దెసా నీవే నన్ను యీడేర్తువుగాక	॥దైవమా॥

---

^[1] ‘సాళంగం’ పూ.ము.పా.

^[2] ‘వీడని’ కావచ్చు.

^[3] ‘నున్నవా’ కావచ్చు.