ఆంధ్రభారతి - తాళ్లపాక అన్నమాచార్య కీర్తనలు - ఎక్కడిపాపము లెక్కడిపుణ్యము- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 84-4
సంపుటము: 1-408

తాళ్లపాక అన్నమాచార్య

రాగము: గుజ్జరి

ఎక్కడిపాపము లెక్కడిపుణ్యము- లొక్కట గెలిచితి మోహో నేము	॥ఎక్కడి॥
ప్రపన్నులెదుటను బడిన యాతుమకు చపలత మరి నాశము లేదు ఉపమల గురుకృప నొనరిన మనసుకు రపముల మఱి నేరములే లేవు	॥ఎక్కడి॥
ఘనతర ద్వయాధికారగు దేహికి మినుకుల భవభయమే లేదు చనవుల హరిలాంఛన కాయమునకు వెనుకొను కర్మపువెట్టియు లేదు	॥ఎక్కడి॥
శ్రీవేంకటేశ్వరుఁ జేరిన ధర్మికి ఆవల మఱి మాయలు లేవు కైవశమాయను కైవల్యపదమునుఁ జావు ముదిమితో సడ్డే లేదు	॥ఎక్కడి॥