ఆంధ్రభారతి - తాళ్లపాక అన్నమాచార్య కీర్తనలు - సర్వాంతరాత్ముఁడవు శరణాగతుఁడ నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 84-5
సంపుటము: 1-409

తాళ్లపాక అన్నమాచార్య

రాగము: లలిత

సర్వాంతరాత్ముఁడవు శరణాగతుఁడ నేను సర్వాపరాధినైతి చాలుఁజాలు నయ్యా	॥సర్వాంత॥
వూరకున్న జీవునికి వొక్కొక్క స్వతంత్ర మిచ్చి కోరేటి యపరాధాలు కొన్ని వేసి నేరకుంటే నరకము నేరిచితే స్వర్గమంటా దూరువేసే వింతేకాక దోష మెవ్వరిదయ్యా	॥సర్వాంత॥
మనసు చూడవలసి మాయలు నీవే కప్పి జనులకు విషయాలు చవులు చూపి కనుఁగొంటే మోక్షమిచ్చి కానకుంటె కర్మమిచ్చి ఘనము సేసే విందుఁ గర్త లెవ్వరయ్యా	॥సర్వాంత॥
వున్నారు ప్రాణులెల్లా నొక్క నీ గర్భములోనే కన్న కన్న భ్రమతలే కల్పించి యిన్నిటా శ్రీవేంకటేశ యేలితివి మమ్ము నిట్టె నిన్ను నన్ను నెంచుకొంటే నీకే తెలుసునయ్యా	॥సర్వాంత॥