ఆంధ్రభారతి - తాళ్లపాక అన్నమాచార్య కీర్తనలు - మా కెల్ల ‘రాజానుమతో ధర్మ’ యిది నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 85-5
సంపుటము: 1-415

తాళ్లపాక అన్నమాచార్య

రాగము: లలిత

మా కెల్ల ^[1]‘రాజానుమతో ధర్మ’ యిది నీ యీ కడఁ గలుగుట కేమరుదు	॥మా కెల్ల॥
అల గరుడగమన మహిశయనంబును కలిసి నీయందె కలిగెనటా పొలసిన పాపముఁ బుణ్యము నరులకు యెలమిఁ గలుగుటకు నేమరుదు	॥మా కెల్ల॥
యిదె నీడకన్ను యెండకన్ను మరి కదిసి నీయందె కలిగెనట సదరపు నరులకు జననమరణములు యెదురనె కలుగుట కేమరుదు	॥మా కెల్ల॥
శ్రీకాంత ఒకదెస భూకాంత నొకదెస కైకొని నీకిటు గలిగెనట యీకడ శ్రీవేంకటేశ యిహపరము యేకమై మా కగు టేమరుదు	॥మా కెల్ల॥

^[1] ‘రాజాన్మతో ధర్మమిది’ రేకు.