ఆంధ్రభారతి - తాళ్లపాక అన్నమాచార్య కీర్తనలు - తెలియరాదు మాయదేహమా మమ్ము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 85-6
సంపుటము: 1-416

తాళ్లపాక అన్నమాచార్య

రాగము: భైరవి

తెలియరాదు మాయదేహమా మమ్ము పలువికారాలఁ బెట్టి పనిగొన్న దేహమా	॥తెలియ॥
దినమొక్క వయసెక్కే దేహమా సారె పెనుమదము గురిసే బెండుదేహమా దినదిన రుచిగోరే దేహమా నన్ను ఘనమోహపాశాలఁ గట్టెఁగదె దేహమా	॥తెలియ॥
తెలివి నిద్రలుగల దేహమా నీ- పొలము పంచభూతాల పొత్తు దేహమా తిలకించి పాపపుణ్యాల దేహమా బలువు గలదాఁకా బదుకవో దేహమా	॥తెలియ॥
తీరని సంసారపు దేహమా ఇట్టె వూరటలేని భోగాల వోదేహమా కూరిమి శ్రీవేంకటేశుఁ గొలిచితి నిఁక నాకు కారణజన్మమవై కలిగిన దేహమా	॥తెలియ॥