ఆంధ్రభారతి - తాళ్లపాక అన్నమాచార్య కీర్తనలు - తహతహలిన్నిటికి తానే మూలము గాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 86-1
సంపుటము: 1-417

తాళ్లపాక అన్నమాచార్య

రాగము: లలిత

తహతహలిన్నిటికి తానే మూలము గాన సహజాన నూరకున్న సంతతము సుఖము	॥తహతహ॥
భారమైన పదివేలు పనులు గడించుకొంటే సారెసారె నలయించకపోవు తీరని యాసోదము దేహములో నించుకొంటే వూరూరఁ దిప్పితిప్పి వొరయక మానవు	॥తహతహ॥
వుండివుండి కిందుమీఁదు వుపమఁ జింతించుకొంటే వుండుఁబో మంచముకింద నొకనూయి కొండంత దొరతనము కోరి మీఁద వేసుకొంటే నండనే ^[1]యా బహురూప మాడకపోదు	॥తహతహ॥
మనసురానివైన మంచివి చేసుకొంటే తినఁదిన వేమైనఁ దీపవును తనిసి శ్రీవేంకటేశు ^[2]దాసానదాసుఁడైతే యెనయుచు నేపని కెదురే లేదు	॥తహతహ॥

^[1] ‘యాబయి’ రేకు.

^[2] ‘దాసాను’ కావచ్చు.