ఆంధ్రభారతి - తాళ్లపాక అన్నమాచార్య కీర్తనలు - ఇదియే మర్మము హరి యిందుఁగాని లోనుగాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 86-2
సంపుటము: 1-418

తాళ్లపాక అన్నమాచార్య

రాగము: సాళంగనాట

ఇదియే మర్మము హరి యిందుఁగాని లోనుగాఁడు పదపడి జీవులాల బదుకరో	॥ఇదియే॥
హరి గానలేరు మీరు ^[1]అరసెందువెదకినా హరిదాసు లెఱుఁగుదు రడుగరో గరిమెఁ బ్రత్యక్షము గాఁడు దేవుఁ డెవ్వరికి ధరఁ బ్రత్యక్షము హరిదాసుల గొలువరో	॥ఇదియే॥
చేత ముట్టి గోవిందుని శిరసు వూజించలేరు చేతులార ప్రపన్నులసేవ సేయరో జాతిగాఁగ విష్ణుని ప్రసాద మేడ దొరకీని ఆతల వారిఁ బ్రసాద మడుగరో	॥ఇదియే॥
అంతరంగమున నున్నాఁడందురు విష్ణుడు గాని అంతటా నున్నారు వైష్ణవాధికులు చెంతలఁ దదియ్యుల చేతియనుజ్ఞ వడసి సంతతం శ్రీవేంకటేశు శరణము చొరరో	॥ఇదియే॥

^[1] అరసి + ఎందున్ + వెదకినా.