ఆంధ్రభారతి - తాళ్లపాక అన్నమాచార్య కీర్తనలు - వాఁడె వేంకటాద్రిమీఁద పరదైవము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 86-6
సంపుటము: 1-422

తాళ్లపాక అన్నమాచార్య

రాగము: లలిత

వాఁడె వేంకటాద్రిమీఁద పరదైవము పోఁడిమితోఁ బొడచూపెఁ బొడవైన దైవము ^[1]	॥వాఁడె॥
వొక్కొక్క రోమకూపాన నొగి బ్రహ్మాండకోట్లు పిక్కటిల్ల వెలుఁగొందే పెనుదైవము పక్కనను తనలోని పదునాలుగు లోకాలు తొక్కి పాదానఁ గొలచే దొడ్డదైవము	॥వాఁడె॥
వేదశాస్త్రాలు నుతించి వేసరి కానఁగలేని మోదపు పెక్కుగుణాల మూలదైవము పోది దేవతలనెల్లఁ బుట్టించ రక్షించ ఆదికారణంబైన అజుఁ గన్న దైవము	॥వాఁడె॥
సరుస శంఖచక్రాలు సరిఁబట్టి యసురల తరగి పడవేసిన దండిదయివమూ సిరి వురమున నించి శ్రీవేంకటేశుఁడయి శరణాగతులఁ గాచే సతమయిన దయివము	॥వాఁడె॥

^[1] ‘దేహము’ పూ.ము.పా.