ఆంధ్రభారతి - తాళ్లపాక అన్నమాచార్య కీర్తనలు - సులభమా యిందరికిఁ, జూడ సులభము గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 87-1
సంపుటము: 1-423

తాళ్లపాక అన్నమాచార్య

రాగము: రామక్రియ

సులభమా యిందరికిఁ, జూడ సులభము గాక కలిగె మీకృప నాకుఁ గమలారమణా	॥సులభ॥
సతతదయాచారసంపన్నుఁడై మఱి కదా అతిశయవైష్ణవాన కరుహుడౌట వ్రతోపవాసతీర్థవరసిద్ధుఁడై కదా మితిమీరి నరహరి మీ దాసుఁడౌట	॥సులభ॥
సకలయజ్ఞఫలము సత్యము ఫలము గదా ప్రకటించి విష్ణునామపాఠకుఁడౌట అకలంకమతితోడ నాజన్మశుద్ధుఁడై కదా అకుటిలమగు మీ చక్రాంకితుఁడౌట	॥సులభ॥
కెరలి సదాచార్యకృప గలిగిన గదా నిరతి శ్రీవేంకటేశ నిన్నుఁ గనుట మరిగి మీపై భక్తి మఱి ముదిరినఁ గదా అరయ మీకే శరణాగతుఁడౌట	॥సులభ॥