ఆంధ్రభారతి - తాళ్లపాక అన్నమాచార్య కీర్తనలు - శ్రీవేంకటేశుఁడు శ్రీపతియు నితఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 87-3
సంపుటము: 1-425

తాళ్లపాక అన్నమాచార్య

రాగము: బౌళి

శ్రీవేంకటేశుఁడు శ్రీపతియు నితఁడే పావనపు వైకుంఠపతియును నితఁడే	॥శ్రీవేంకటే॥
భాగవతములోఁ జెప్పే బలరాము తీర్థయాత్ర- నాగమోక్తమైన దైవమాతఁ డితడే బాగుగా బ్రహ్మాండపురాణపద్ధతి యాతఁ డితఁడే యోగమై వామనపురాణోక్త దైవ మీతఁడే	॥శ్రీవేంకటే॥
వెలయ సప్తరుషులు వెదకి ప్రదక్షిణము- లలరఁ జేసిన దేవుఁ డాఁతఁ డీతఁడే నెలవై కోనేటిపొంత నిత్యముఁ గుమారస్వామి కలిమి దపముసేసి కన్నదేవు డీతఁడే	॥శ్రీవేంకటే॥
యెక్కువై బ్రహ్మాదులు నెప్పుడు నింద్రాదులు తక్కక కొలిచియున్న తత్వమీతఁడు చక్క నారదాదుల సంకీర్తనకుఁ జొక్కి నిక్కిన శ్రీవేంకటాద్రినిలయుఁడు నీతఁడే	॥శ్రీవేంకటే॥