ఆంధ్రభారతి - తాళ్లపాక అన్నమాచార్య కీర్తనలు - పట్టినచోనే వెదకి భావించవలెఁ గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 87-4
సంపుటము: 1-426

తాళ్లపాక అన్నమాచార్య

రాగము: బౌళి

పట్టినచోనే వెదకి భావించవలెఁ గాని గట్టిగా నంతర్యామి కరుణించును	॥పట్టిన॥
యింటిలోని చీఁకటే యిట్టే తప్పక చూచితే వెంటనే కొంతవడికి వెలుఁగిచ్చును అంటి కానరాని తన యాతుమ తప్పక చూచు- కొంటేఁ దన యాతుమయు గొబ్బునఁ గాన్పించును	॥పట్టిన॥
మించి కఠినపు రాతిమీఁదఁ గడవ వెట్టితే అంచెలఁ దానే కుదురైనయట్టు పొంచి హరినామమే యేపొద్దు నాలికతుదను యెంచి తలఁచఁదలచ నిరవౌ సుజ్ఞానము	॥పట్టిన॥
వొక్కొక్క యడుగే వొగి ముందరఁ బెట్టితే యెక్కువై కొండైనా నెక్కుఁ గొనకు యిక్కువ శ్రీవేంకటేశు నిటు దినదినమును పక్కనఁ గొలిచితే బ్రహ్మపట్ట మెక్కును	॥పట్టిన॥