ఆంధ్రభారతి - తాళ్లపాక అన్నమాచార్య కీర్తనలు - నా తప్పు లోఁగొనవే నన్నుఁ గావవే దేవ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 87-5
సంపుటము: 1-427

తాళ్లపాక అన్నమాచార్య

రాగము: సాళంగనాట

నా తప్పు లోఁగొనవే నన్నుఁ గావవే దేవ చేఁతలిన్నీఁ జేసి నిన్నుఁ జేరి శరణంటిని	॥నా తప్పు॥
అందరిలో నంతర్యామివై నీ వుండఁగాను యిందరిఁ బనులుగొంటి నిన్నాళ్ళును సందడించి యిన్నిటా నీచైతన్యమై యుండఁగాను వందులేక నేఁ గొన్నివాహనా లెక్కితిని	॥నా తప్పు॥
లోకపరిపూర్ణుఁడవై లోనా వెలి నుండఁగాను చేకొని పూవులుఁ బండ్లుఁ జిదిమితిని కైకొని యీ మాయలు నీ కల్పితమై వుండఁగాను చౌకలేక నే వేరే సంకల్పించితిని	॥నా తప్పు॥
యెక్కడ చూచిన నీవే యేలికెవై వుండఁగాను యిక్కడాఁ దొత్తుల బంట్ల నేలితి నేను చక్కని శ్రీవేంకటేశ సర్వాపరాధి నేను మొక్కితి నన్ను రక్షించు ముందెఱఁగ నేను	॥నా తప్పు॥