ఆంధ్రభారతి - తాళ్లపాక అన్నమాచార్య కీర్తనలు - వివేకమెఱఁగని వెఱ్ఱులము గాక నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 88-1
సంపుటము: 1-429

తాళ్లపాక అన్నమాచార్య

రాగము: బౌళి

వివేకమెఱఁగని వెఱ్ఱులము గాక నేము దివారాత్రము నిన్నే ద్రిష్టించవలదా	॥వివేక॥
మానివోడ నమ్మి వొక్కమనుజుఁడు వార్ధి దాఁటి నానార్థములు గూర్చి నటించఁగాను దానవారికృప నమ్మి తగిన సంసారవార్ధి- లోను చొచ్చి దాఁటి గెల్వ లోకులకుఁ జెల్లదా	॥వివేక॥
జుట్టెఁడు యినుము నమ్మి సొరిది నొక్కఁడు భూమిఁ గట్టిడి భయములెల్లఁ గడవఁగాను నెట్టనఁ జక్రాయుధుని నిజనామ మిటు నమ్మి తట్టి భవభయములు తరి దాఁటఁ జెల్లదా	॥వివేక॥
వేలెఁడు దీపము నమ్మి వెడఁగుఁ జీఁకటిఁ బాసి పోలిమి నొక్కనరుఁడు పొదలఁగాను ఆలించి శ్రీవేంకటేశుఁ డాత్మలో వెలుఁగగాను మేలి మాతనిఁ గొలిచి మెరయంగఁ వలదా	॥వివేక॥