ఆంధ్రభారతి - తాళ్లపాక అన్నమాచార్య కీర్తనలు - సహజాచారములెల్లా సర్వేశ్వరుని యాజ్ఞే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 88-3
సంపుటము: 1-431

తాళ్లపాక అన్నమాచార్య

రాగము: మలహరి

సహజాచారములెల్లా సర్వేశ్వరుని యాజ్ఞే అహమించి నమ్మకుండు టదియే పాషండము	॥సహజా॥
నిద్దిరించువాని చేతి నిమ్మపంటివలెనే చద్దికర్మములు తానే జారితే జారె పొద్దువొద్దు తనలోన భోగకాంక్ష లుండఁగాను అద్దలించి కర్మ మొల్లననుటే పాషండము	॥సహజా॥
కలగన్నవాడు మేలుకని నటువలెనే తలగి ప్రపంచ మెందో దాఁగితే దాగె యిల నీ దేహము మోఁచి యింతాఁ గల్లలనుచు పలికి తప్పనడచే భావమే పాషండము	॥సహజా॥
ధర నద్దము చూచేటి తన రూపమువలె గరిమతో దన యాత్మ కంటేఁ గనె సరుస శ్రీవేంకటేశు సాకార మటు గని కరఁగి భజించలేని కష్టమే పాషండము	॥సహజా॥