ఆంధ్రభారతి - తాళ్లపాక అన్నమాచార్య కీర్తనలు - తెలియక వూరక తిరిగేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 88-4
సంపుటము: 1-432

తాళ్లపాక అన్నమాచార్య

రాగము: సామంతం

తెలియక వూరక తిరిగేము చలమరి కగునా సంతతసుఖము	॥తెలియక॥
హేయము కడుపున నిడుకొని యింకా ‘చీ’ యనని మాకు సిగ్గేది పాయము పిడికిటఁ బట్టుచునుండేటి కాయధారులకుఁ గలదా విరతి	॥తెలియక॥
అంగనల రతుల యాసల నీఁదేటి యెంగిలిమనుజుల కెగ్గేది ముంగిట నార్గురుముచ్చులఁ గూడిన దొంగగురుని కిందుల నిజమేది	॥తెలియక॥
జననమరణములు సరి గని కానని మనుజాధమునకు మహిమేది యెనగొని శ్రీవేంకటేశు శరణ మిటు గని మనకుండిన గతి యిఁక నేది	॥తెలియక॥