ఆంధ్రభారతి - తాళ్లపాక అన్నమాచార్య కీర్తనలు - హరి నీ యనుమతో అది నా కర్మమో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 88-5
సంపుటము: 1-433

తాళ్లపాక అన్నమాచార్య

రాగము: లలిత

హరి నీ యనుమతో అది నా కర్మమో ^[1]పరమే యిహమై భ్రమయించీని	॥హరి॥
కలుగుదు శాంతము కటకట బుద్ధికి చలమున నింతాఁ జదివినను నిలువదు చిత్తము నీపై చింతకు పలుసంపదలనుఁ బరగినను	॥హరి॥
తగులదు వైరాగ్యధన మాత్మకును వొగి నుపవాసము లుండినను అగపడదు ముక్తి ఆసలనాసల జగమింతా సంచరించినను	॥హరి॥
విడువదు జన్మము వివేకముననే జడిసి స్వతంత్రము జరపినను యెడయక శ్రీవేంకటేశ్వర నీవే బడిఁ గాచితి విదె బ్రదికితి నేను	॥హరి॥

^[1] ‘ఇహమే పరమై’ అనుట న్యాయ్యమేమో?