ఇందిరాధిపుని సేవ యేమరకుండుట గాక బొందితోడి జీవులకు బుద్ధు లేఁటిబుద్ధులు	॥ఇందిరా॥
రేయెల్లా మింగిమింగి రేపే వెళ్లనుమియు బాయట నిద్రాదేవి పలుమారును చాయలకు నిచ్చనిచ్చా జచ్చిచచ్చి పొడమేటి మాయజీవులకు నెల్లా మని కేఁటిమనికి	॥ఇందిరా॥
కనురెప్ప మూసితేనే కడు [1]సిష్టే చీఁకటౌను కనురెప్ప దెరచితే క్రమ్మరఁ బుట్టు ఘనమై నిమిషమందే కలిమి లేమియుఁ దోఁచె యెనయు జీవుల కింక యెఱు కేఁటియెఱుక	॥ఇందిరా॥
వొప్పగుఁ బ్రాణము లవి వూరుపుగాలివెంట యెప్పుడు [2]లోనివెలికి నెడతాఁకును అప్పఁడు శ్రీవేంకటేశుఁ డంతరాత్ముఁ డందరికి తప్పక యాతఁడే కాచు తలఁపేఁటి తలఁపు	॥ఇందిరా॥

---

^[1] ‘సృష్టే’ కావచ్చు.

^[2] ‘లోనికి వెలికి’ అని ద్వంద్వము కావచ్చు.