ఆంధ్రభారతి - తాళ్లపాక అన్నమాచార్య కీర్తనలు - నిక్కించీ గర్ణములు మానిసిమెకము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 89-2
సంపుటము: 1-436

తాళ్లపాక అన్నమాచార్య

రాగము: నాట

నిక్కించీ గర్ణములు మానిసిమెకము ^[1] నిక్కపుఁ గరుణతో మానిసిమెకము	॥నిక్కించీ॥
కొండ తనకు గద్దెగాఁ గోరి కూచుండిన దదే నిండురాజసమున మానిసిమెకము గండుమీరి దానవుని కండలు చెక్కుచు నూర్పు నిండించీ నాకసము మానిసిమెకము	॥నిక్కించీ॥
కరములు వేయింటాఁ గైకొని యాయుధములు నిరతి జళిపించీ మానిసిమెకము సురలను నసురలఁ జూచిచూచి మెచ్చిమెచ్చి నెరపీని నవ్వులు మానిసిమెకము	॥నిక్కించీ॥
యెక్కించి తొడమీఁద నిందిరతో మేలమాడీ నిక్కపుఁ గాఁగిటను మానిసిమెకము అక్కడ శ్రీవేంకటాద్రి నహోబలమునందు నెక్కొని మమ్మేలెను మానిసిమెకము	॥నిక్కించీ॥

^[1] మానిసిమెకము = నరసింహుఁడు.