ఆంధ్రభారతి - తాళ్లపాక అన్నమాచార్య కీర్తనలు - ఆపద్బంధుఁడు హరి మాకుఁ గలఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 89-4
సంపుటము: 1-438

తాళ్లపాక అన్నమాచార్య

రాగము: సామంతం

ఆపద్బంధుఁడు హరి మాకుఁ గలఁడు దూపిలి తలఁచినా దోషహరము	॥ఆపద్బంధు॥
గరుడని నెక్కిన ఘనరేవంతుఁడు ^[1]గరుడకేతనముగల రథుఁడు గరుడఁడే తనకును గరియగు బాణము గరిమె నీతఁడేపో ఘనగారుడము	॥ఆపద్బంధు॥
పాముపరపుపై బండిన సిద్ధుడు పాముపాశముల పరిహరము పామున నమృతముఁ పడఁదచ్చినతఁడు వేమరు నీతఁడే విషహరము	॥ఆపద్బంధు॥
కమలాక్షుఁ డీతఁడు కమలనాభుఁడును కమలాదేవికిఁ గైవశము అమరిన శ్రీవేంకటాధిపు డితఁడే మమతల మాకిదే మంత్రౌషధము	॥ఆపద్బంధు॥

^[1] ‘గరుడకేతనము గల’వరకు ఆభాసబహువ్రీహి. దానిపై ‘రథ’శబ్దముతో బహువ్రీహి. ఇది వింత. గరుడుని కేతనముగాగల రథము గలవాడు అని భావమా? లేక గరుడుని కేతనముగ రథముగ గలవాడనియా?