ఆంధ్రభారతి - తాళ్లపాక అన్నమాచార్య కీర్తనలు - కంటి నిదే యర్థము ఘనశాస్త్రములు దవ్వి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 90-3
సంపుటము: 1-443

తాళ్లపాక అన్నమాచార్య

రాగము: సామంతం

కంటి నిదే యర్థము ఘనశాస్త్రములు దవ్వి నంటున నిందుకంటెను నాణె మెందూ లేదు	॥కంటి॥
మేఁటి వైరాగ్యముకంటే మిక్కిలి లాభము లేదు గాఁటపు విజ్ఞానముకంటే సుఖము లేదు మీఁటైన గురువుకంటే మీఁద రక్షకుఁడు లేఁడు బాట సంసారముకంటే పగ లేదు	॥కంటి॥
పరపీడ సేయుకంటే పాపము మరెందు లేదు పరోపకారముకంటే బహుపుణ్యము లేదు నిరతశాంతముకంటే నిజధర్మ మెందు లేదు హరిదాసుఁడౌ కంటే నట గతి లేదు	॥కంటి॥
కర్మసంగము మానుకంటేఁ దేజము లేదు అర్మిలిఁ గోరిక మానేయంతకంటే బుద్ధి లేదు ధర్మపు శ్రీవేంకటేశుఁ దగిలి శరణుచొచ్చి నిర్మలాన ^[1]నుండుకంటే నిశ్చయము లేదు	॥కంటి॥

^[1] ‘నుఁడు’ రేకు.