ఆంధ్రభారతి - తాళ్లపాక అన్నమాచార్య కీర్తనలు - మఱియు మఱియు నివె మా పనులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 90-6
సంపుటము: 1-446

తాళ్లపాక అన్నమాచార్య

రాగము: పాడి

మఱియు మఱియు నివె మా పనులు మెఱసితి మిందే మిక్కిలిని	॥మఱియు॥
నారాయణునకు నమస్కారము ధారుణీపతికిని దండము శ్రీరమణునకును జేరి శరణ్యము వారిధిశాయికి వరుస జోహారు	॥మఱియు॥
రామకృష్ణులకు రచనల బంటను దామోదరునకు దాసుఁడను వామనమూర్తికి వాకిటి గొల్లను సోమర్కనేత్రుని సొరిది లెంకను	॥మఱియు॥
గోవిందునికే కొలువులు సేతుము దేవోత్తము బడిఁ దిరుగుదుము భావజగురునకు పంపు నడతుము శ్రీవేంకటపతి సేవింతుము	॥మఱియు॥