ఆంధ్రభారతి - తాళ్లపాక అన్నమాచార్య కీర్తనలు - తప్పఁ దోయవే దైవశిఖామణి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 91-1
సంపుటము: 1-447

తాళ్లపాక అన్నమాచార్య

రాగము: శ్రీరాగం

తప్పఁ దోయవే దైవశిఖామణి యిప్పుడు నీకృప నెనసితి నేను	॥తప్ప॥
అనలముఁ బొడగని యటునిటు మిడుతలు కినిసి యందు మగ్గినయట్లు అనువగు విజ్ఞాన మాత్మ వెలుఁగఁగ మొనసి యింద్రియములు మూఁగీ నాకు	॥తప్ప॥
అఱిముఱిఁ గమలము లటు వికసించిన మెఱసి తుమ్మిదలు మించుగతి తఱి నా హృదయము తగ వికసించిన ^[1]తఱమీ నజ్ఞానతమ మది నాకు	॥తప్ప॥
యీరీతి శ్రీవేంకటేశ్వర యిన్నియు నూరకే యుండఁగా నొదిఁగియుండె నేరిచి నీభక్తి నిలుపఁగ మదిలో చేర గతిలేక చిమిడీ నదివో	॥తప్ప॥

^[1] ‘తఱుము’ ధాతువు కావచ్చు.