ఆంధ్రభారతి - తాళ్లపాక అన్నమాచార్య కీర్తనలు - చదువులోనే హరిని జట్టిగొనవలెఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 91-3
సంపుటము: 1-449

తాళ్లపాక అన్నమాచార్య

రాగము: మాళవిగౌళ

చదువులోనే హరిని జట్టిగొనవలెఁ గాక మదము గప్పిన మీఁద మగుడ నది గలదా	॥చదువు॥
జడమతికి సహజమే సంసారయాతన యిది కడు నిందులోఁ బరము గడియించవలెఁ గాక తొడరి గాలప్పుడు తూర్పెత్తక తాను విడిచి మఱచిన వెనక వెదకితేఁ గలదా	॥చదువు॥
భవబంధునకు విధిపాపపుణ్యపు లంకె తివిరి యిందునే తెలివి తెలుసుకోవలెఁ గాక ఆవల వెన్నెలలోనె అల్లునేరేళ్లింతే నివిరి నిన్నటి వునికి నేఁటికిఁ గలదా	॥చదువు॥
దేహధారికిఁ గలదే తెగని యింద్రియబాధ సాహసంబున భక్తి సాధించవలెఁ గాక యీహలను శ్రీవేంకటేశు దాసులవలన వూహించి గతిగానక వొదిఁగితేఁ గలదా	॥చదువు॥