కలది గలట్టే కర్మఫలంబులు నిలిపితిమా నేము నిమ్మకుఁ బులుసు	॥కలది॥
యెంత సేసినా యిహమున జీవికి చెంత నజుఁడు వ్రాసిన కొలఁదే వంతల ముంటికి వాఁడి వెట్టితిమా కొంతతీపు చెఱకుకుఁ జల్లితిమా	॥కలది॥
ఘనముగ బుద్ధులు గఱపిన దేహికి మును నోఁచిన నోముఫలంబే నినుపుఁ [1]దెంకాయకు నీరు నించితిమా వొనర వేమునఁ జేఁదు నించితిమా	॥కలది॥
యిరవుగ శ్రీవేంకటేశుఁ డేప్రాణికి కెరలి భాగ్య మొసఁగిన యంతే మరువమునకు బరిమళము సేసితిమా పెరిగేటి యడవులు పెంచితిమా	॥కలది॥

---

^[1] ‘టెంకాయ’ పూ.ము.పా. ‘తెన్ +కాయ’ అను సహజవ్యుత్పత్తికి రేకు అనుకూలము.