రెండుమూలికలు రేయిఁబగలు నున్నవి అండదేహమం దొకటి ఆతుమలో నొకటి	॥రెండు॥
యిదివో [1]రసబద్ధము, యింద్రియములు మేనిలో పదిలముగా నిలిపి బంధించుట అదివో వేధాముఖ, మంతరంగపు మనసు చెదరకుండాఁ జొనిపి శ్రీహరిఁ దలఁచుట	॥రెండు॥
తారవిద్య గంటిమి; తగిలి నాసాగ్రమందు మేరతో ద్రిష్టినిలిపి మేలుఁ బొందుట చేరువ సువర్ణవిద్య, చిత్తములోఁ బ్రణవము ధీరత నాదము సేసిఁ దేవునిఁ బొగడుట	॥రెండు॥
పుట జయమాయ; నిట్టె పుణ్యపాపము లందులో కుటిలపుఁ గోరికల కొన దుంచుట యిటులనే శ్రీవేంకటేశుఁ డిందిరయును అటు [2]ప్రకృతిపురుషులనుటొరవచ్చుట	॥రెండు॥

---

^[1] ‘రసబంధము’ కావచ్చు.

^[2] ప్రకృతిపురుషులు + అనుట + ఒరవచ్చుట.