ఆంధ్రభారతి - తాళ్లపాక అన్నమాచార్య కీర్తనలు - నవనారసింహ నమో నమో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 92-1
సంపుటము: 1-453
సంస్కృతకీర్తన

తాళ్లపాక అన్నమాచార్య

రాగము: నాట

నవనారసింహ నమో నమో భవనాశితీర యహోబలనారసింహ	॥నవ॥
సతతప్రతాపరౌద్రజ్వాలానారసింహ వితతవీరసింహవిదారణా అతిశయకరుణ యోగానంద నరసింహ మతి శాంతపు కానుగుమాని నారసింహ	॥నవ॥
మరలి బీభత్సపు మట్టెమళ్ల నరసింహ నరహరి భార్గోటి నారసింహ పరిపూర్ణశృంగార ప్రహ్లాదనరసింహ సిరుల నద్భుతపు లక్ష్మీనారసింహ	॥నవ॥
వదనభయానకపు వరాహనరసింహ చెదరని వైభవాల శ్రీనరసింహ అదన శ్రీవేంకటేశ అందు నిందు నిరవైతి పదివేలు రూపముల బహునారసింహ	॥నవ॥