ఆంధ్రభారతి - తాళ్లపాక అన్నమాచార్య కీర్తనలు - అంగనలాల మనచే నాడించుకొనెఁ గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 92-2
సంపుటము: 1-454

తాళ్లపాక అన్నమాచార్య

రాగము: శంకరాభరణం

అంగనలాల మనచే నాడించుకొనెఁ గాని సంగతెఱిఁగిన నెరజాణఁ డితఁడే	॥అంగన॥
వొడలులేనివాని ^[1]కొక్కఁడే తండ్రాయఁ గాని తడయక పురుషోత్తముఁ డితఁడే బడబాగ్నిజలధికిఁ బాయ కల్లుఁడాయఁ గాని వెడలించె నమృతము విష్ణుఁ డితడే	॥అంగన॥
పులిగూడుదిన్నవాని పొందొక్కటే సేసెఁ గాని నలువంక లక్ష్మీనాథుఁ డితఁడే చలికిఁ గోవరివాని సరుస బావాయఁ గాని పలుదేవతలకెల్ల ప్రాణబంధుఁ డితఁడే	॥అంగన॥
యెక్కడో గొల్లసతుల కింటిమగఁడాయఁ గాని తక్కక వెదకే పరతత్వ మితఁడే మిక్కిలి శ్రీవేంకటాద్రిమీఁద మమ్ము నేలెఁ గాని తక్కక వేదము చెప్పే దైవమీతఁడే	॥అంగన॥

^[1] ‘కొక్కటే’ రేకు.