ఆంధ్రభారతి - తాళ్లపాక అన్నమాచార్య కీర్తనలు - నీ వేలికవు మాకు; నీ దాసులము నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 92-3
సంపుటము: 1-455

తాళ్లపాక అన్నమాచార్య

రాగము: లలిత

నీ వేలికవు మాకు; నీ దాసులము నేము ఆవల నితరుల నే మడుగఁబొయ్యేమా	॥నీ వేలిక॥
పసురమై వుండి యిచ్చీఁ బక్కనఁ గామధేనువు యెసఁగి మానై వుండి యిచ్చీఁ గల్పవృక్షము వెస రాయైవుండి యిచ్చీ వేడుకఁ జింతామణి మసలని శ్రీపతివి మాకు నిచ్చే దరుదా	॥నీ వేలిక॥
గాలి యావటించి యిచ్చీఁ గారుమేఘము మింట వీలి జీర్ణమై యిచ్చీ విక్రమార్కుని బొంత కాలిన పెంచై వుండి కప్పెర దివ్యాన్నమిచ్చీ మైలలేని శ్రీపతివి మాకు నిచ్చు టరుదా	॥నీ వేలిక॥
అండనే కామధేనువ నాశ్రితచింతామణివి పండిన కల్పకమవు భక్తులకెల్లా నిండిన శ్రీవేంకటేశ నీవు మమ్ము నేలితివి దండిగా నమ్మితే నీవు దయఁజూచు టరుదా	॥నీ వేలిక॥