ఆంధ్రభారతి - తాళ్లపాక అన్నమాచార్య కీర్తనలు - పట్టినదెల్లా బ్రహ్మము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 92-5
సంపుటము: 1-457

తాళ్లపాక అన్నమాచార్య

రాగము: లలిత

పట్టినదెల్లా బ్రహ్మము దట్టపు జడునికి దైవంబేలా	॥పట్టిన॥
ఘనయాచకునకు కనకమే బ్రహ్మము తనువే బ్రహ్మము తరువలికి యెనయఁ గాముకున కింతులే బ్రహ్మము తనలో వెలిఁగేటి తత్వం బేలా	॥పట్టిన॥
ఆకటివారికి నన్నమే బ్రహ్మము లోకమే బ్రహ్మము లోలునికి కైకొని కర్మికి కాలమే బ్రహ్మము శ్రీకాంతునిపై జింతది యేలా	॥పట్టిన॥
భువి సంసారికి పుత్రులె బ్రహ్మము నవ మిందరి కిది నడచేది యివలను శ్రీవేంకటేశు దాసులకు భవ మతనికృపే బ్రహ్మము	॥పట్టిన॥