ఆంధ్రభారతి - తాళ్లపాక అన్నమాచార్య కీర్తనలు - రూకలై మాడలై రువ్వలై తిరిగీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 92-6
సంపుటము: 1-458

తాళ్లపాక అన్నమాచార్య

రాగము: గుండక్రియ

రూకలై మాడలై రువ్వలై తిరిగీని దాకొని వున్నచోటఁ దా నుండ దదివో	॥రూకలై॥
వొకరి రాజుఁ జేసు నొకరి బంటుగఁ జేసు వొకరి కన్నెకల వేరొకరికి నమ్మించు వొకచోటనున్న ధాన్య మొకచోట వేయించు ప్రకటించి కనకమే భ్రమయించీ జగము	॥రూకలై॥
కొందరి జాళెలు నిండు కొందరికి సొమ్ములవు కొందరి పుణ్యులఁ జేసుఁ గొందరి పాపులఁ జేసు కొందరి కొందరిలోన కొట్లాట వెట్టించు పందెమాడినటువలెఁ బచరించు పసిఁడీ	॥రూకలై॥
నిగనిగమనుచుండు నిక్షేపమై యుండు తగిలి శ్రీవేంకటేశు తరుణియై తా నుండు తెగనిమాయై యుండు దిక్కు దెసయై యుండు నగుతా మా పాలనుండి నటియించుఁ బసిఁడీ	॥రూకలై॥